Policia e Fierit ka dhënë detaje për një incident të ndodhur sot me protagonist një efektiv policie të FNSH-së.
Burime të Policisë Vendore të Fierit, bëjnë të ditur se sot u bë arrestimi në flagrancë i Maliq Shehaj, punonjës policie në Komisariatin e FNSH-së Fier, në gjendje të dehur me 0.49 mg/l, për veprën penale të “vrasjes së mbetur në tentativë”.
Të njëjta burime saktësojnë se arrestimi i punonjësit të policisë u bë pasi sot rreth orës 17:45, te rreth-rrotullimi i parkut Fier, është përleshur me dy persona për motive të dobëta.
Në këtë moment kanë ndërhyrë tre punonjës policie të Drejtorisë Vendore të Policisë Fier, njëri prej tyre me uniformë.
Punonjësit e policisë janë prezantuar dhe kanë kryer detyrën për ta neutralizuar por gjatë ndërhyrjes ky shtetas ka nxjerrë një armë tip pistoletë dhe pasi e ka mbushur e ka drejtuar atë ndaj punonjësve të policisë.
Në këtë kohë ka bërë dhe shkrepjen e armës por pa shkaktuar dëme pasi të tre punonjësit e policisë, gjatë ndërhyrjes, e kanë devijuar drejtimin e qitjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
