Cigaret kontrabandë të bllokuara
Një sasi paketash kontrabandë janë bllokuar sot në Kakaivijë. Në njoftimin zyrtar të Doganave, shifra e dhënë e bllokimit kontrabandë, është me “fije cigare”, ndoshta që të duken shumë.
Sipas njoftimit zyrtar, mësohet se “sot, nga ana e Hetimit Doganor në Drejtorinë e Përgjithshme të Doganave u bë i mundur arrestimi në flagrancë i Stavri Bani Topi i kapur në flagrancë me një sasi të konsiderueshme cigaresh kontrabandë . Ndalimi i tij u bë në degën e doganës Kakavi, nga Drejtoria e Antikontrabandës në bashkëpunim me Doganën Kakavijë.
Sasia e mallit është 7600 fije cigare të llojit ‘Marlboro’. Malli kontrabande ishte fshehur ne pjesë të ndryshme të mjetit tip ‘Benz’ me targe AA 770 LS.
Materialet iu kaluan Prokurorisë në Gjirokastër për veprime të mëtejshme hetimore, për veprën penale të kontrabandës me mallra që paguajnë akcizë parashikuar nga neni 172 i Kodit Penal”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
