Nga tërmeti në Itali, deri tani janë konfirmuar 45 viktima, ndërsa 150 persona të tjerë figurojnë të zhdukur citon zyrtarët italianë BBC. Mësohet se nuk ka raportime për shqiptarë të vdekur por flitet për 6 të plagosur. Ndërkohë një shqiptar, Hamza Serjani tha se në komunën e Amatrices jetojnë 10 familje shqiptare dhe se mes miqve të tij të vdekur ka dhe shqiptarë.
Tre tërmete të forta kanë goditur gjatë natës Italinë qendrore. I pari dhe më i forti me magnitudë 6.2 ballë i shkallës Rihter është regjistruar rreth orës 03:36 rreth dy km nga qyteti i Accumolit dhe 10 km nga Arquata del Tronto dhe Amatrice.
Kjo e fundit ka pasur dëme shumë serioze, Kryetari i komunës thotë se Amatrice nuk është më ndërtesat e qytetit janë rrafshuar në tokë. Dëme të rënda edhe në Marche.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
