Policia në Irak ka parandaluar një sulm vetëvrasës në Kirkuk, në veri të Bagdadit, duke arrestuar në kohë kamikazin fëmijë që mbante në trupin e tij një rrip eksplozivi. Mësohet se kamikazi i moshës 12 – 13 vjeç u kap në përpjekje për të hedhur veten në erë.
Pamjet në video kanë filmuar momentin kur policia e arreston fëmijën dhe i heq rripin me eksploziv.
Djali, i cili ishte i veshur me një bluzë të Barcelonës, me emrin e yllit të futbollit Lionel Messi, thuhet se shpërtheu në lot pasi ai u arrestua dje nga policia e Irakut në qytetin e Kirkukut, në veri të Bagdadit.
Arrestimi i tij vjen në më pak se 24 orë pas një tjetër sulmi vetëvrasës me bombë nga një fëmijë në një dasëm në Turqi.
Si pasojë e shpërthimit, humbën jetën të paktën 51 persona dhe u plagosën 100 të tjerë në një dasëm në Turqi.
Kjo ka çuar në frikën se fëmijët janë duke u përdorur nga ISIS për të kryer sulme vdekjeprurëse.
Dy sulmues të tjerë vetëvrasës shpërthyen veten në Kirkuk të dielën.
Në njërin prej sulmeve mbeten të plagosur tre persona, ndërsa në tjetrin nuk pati viktima.
