Policia britanike ka sekuestruar sasi të konsiderueshme drogash dhe disa telefona celularë, që futeshin në burgjet britanike me anë të dronëve.
Autoritetet e sigurisë së burgjeve në Londër njoftojnë se është shtuar ndjeshëm përdorimi i mjeteve të telekomanduara fluturuese, që shërbejnë për futjen e sendeve të ndaluara në burgjet e kryeqytetit anglez.
Rasti i fundit ishte ai i 14 Gushtit, kur një dron u përplas në murin e burgut të sigurisë së lartë në Pentonville, teksa po transportonte drogë dhe disa celularë. Në Prill të këtij viti, një kamera sigurie e një burgu në Angli, kapi momentin kur të burgosurit merrnin drogën nga ajri drejtpërdrejt në dritaren e qelisë.
Vetëm vitin e kaluar, numri i incidenteve me dronë në burgjet britanike arriti në 33 raste, një rritje shqetësuese krahasuar me vetëm dy raste të vitit 2014. Ndërsa deri në 2013, ky lloj transporti nga ajri as që ekzistonte.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
