Donald Trump, kandidati republikan për president në SHBA, e ka shitur veten si një biznesmen i cili ka bërë miliarda dollarë. Por një investigim nga “The New York Times” në labirinthet financiare të pronave të paluajtëshme të zotit Trump në Shtetet e Bashkuara kanë zbuluar se kompanitë që ai zotëron kanë të paktën 650 milion $ borxhe.
Kjo shumë është dyfishi i shumës që mund të nxirret nga regjistrimet publike që ai ka bërë si pjesë e kandidimit të tij për në Shtëpinë e Bardhë.
E përditshmja i ka kërkuar një instituti të specializuar në studimin e pronave të patundshme për të mbledhur të dhëna për sa i përket pronave të manjatit, në veçanti godinat e tij për zyra dhe fushat e golfit.
Sipas studimeve del se më shumë se 650 milionë dollarë borxhe, një pjesë e rëndësishme e pasurisë së Donald Trump, varet nga tre marrëveshje me partnerë që kanë marrë hua me një vlerë totale prej dy miliardë dollarë.
“Nëse këto hua nuk rimbursohen, Donald Trump nuk do të jetë përgjegjës, por vlera e investimeve që ai ka bërë në bashkëpunim do të binte ndjeshëm”, shkruan New York Times.
