Zyra e “British Council” në Tiranë ka publikuar një “Udhëzues të angazhimit të punëdhënësit” përme stë cilit synon të ndihmojë shkollat profesionale dhe punëdhënësit të gjejnë mënyrat më të mira se si të punojnë së bashku drejt një zhvillimi të mëtejshëm të arsimit.
Udhëzuesi praktik beson se do të pajisë të rinjtë me njohuritë dhe aftësitë që u korrespondojnë nevojave të ardhshme të punëdhënësve.
Udhëzuesi përmban një gamë të gjerë idesh të marra nga shembuj realë si nga Ballkani Perëndimor ashtu edhe nga Mbretëria e Bashkuar, ku angazhimi i punëdhënësve ka funksionuar dhe po sjell një ndikim pozitiv në rezultatet e nxënësve të tyre. Ne shpresojmë që ju ta gjeni këtë udhëzues të dobishëm dhe që t’ju japë ide dhe informacione të mjaftueshme për të bërë një ndryshim pozitiv dhe për të krijuar partneritete të reja me bizneset.
Udhëzuesi është hartuar me mbështetjen e Ministrinë e Jashtme dhe të Komonuelthit, në kuadër të projektit “Angazhimi i punëdhënësve dhe reformimi i arsimit dhe i formimit profesional në Ballkanin Perëndimor”.
“Ashtu si bizneset dhe organizatat që prodhojnë mallra dhe shërbime për këto tregje, edhe arsimi profesional ka të njëjtën nevojë që të përshtatet dhe të ndryshojë në mënyrë që aftësitë dhe njohuritë që ai zhvillon tek të rinjtë të jenë ato që u mundësojnë të hyjnë në këtë ambient pune gjithnjë e më dinamik e të shpejtë.
Shumë shkolla dhe institucione arsimore nëpër Ballkanin Perëndimor janë duke punuar fort tashmë për t’u angazhuar me punëdhënësit në zonën e tyre lokale dhe kanë krijuar lidhje përmes të cilave nxënësit të mund të fitojnë dhe të mësojnë nga përvojat e reja pozitive në punë. Këto mundësi bazohen në punën e përbashkët të shkollave dhe punëdhënësve”, thuhet në hyrje të udhëzuesit.
“Ky manual tregon mekanizmat me të cilat shkollat dhe bizneset profesionale mund të ndërveprojnë më mirë me njëri-tjetrin në mënyrë që arsimi profesional të përgatisë nxënësit për nevojat bashkëkohore të tregut të punës. Kjo do të përmirësojë perspektivat e punësimit të të rinjve në arsimin profesional, dhe do të përmirësojë funksionimin e kompanive në marrjen e rekrutëve të rinj të trajnuar për të përmbushur kërkesat e tyre”, shkruna në hyrje të manualit, ambasadori Britanik në Tiranë, Nicholas Cannon.
Manuali është falas dhe mund të shkarkohet nga adresa e British Council në Facebook https://ëëë.facebook.com/BritishCouncilAlbania ose ne faqen e vet te internetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
