Në pikën doganore të Morinës ka pasur një fluks të lartë të pushuesve të cilët kanë zgjedhur këtë 15-ditësh të fundit të sezonit veror që ta kalojnë në bregdetin shqiptar
Rreth 25 mijë pushues nga Kosova i janë drejtuar Shqipërisë, duke krijuar kështu një fluks të lartë në pikën doganore. Fluksi ka nisur që prej orës 03:00 të mëngjesin dhe vijon ende.
Sportelet në pikat doganore po punojnë me ritme të larta për të shmangur oraret e zgjatura të fluksit.
Një trafik të rënduar ka pasur edhe në rrugën Morinë-Tuneli Kalimashit. Për mbarëvajtje të trafikut në rrugë ka edhe 4 patrulla të policisë rrugore.
Pika kufitare e Morinës ka pasur gjatë sezonit turistik një fluks të lartë pushuesish. Shifrat jo zyrtare flasin për mbi 1 milion shtetas që kanë hyrë në Shqipëri në dy muajt e verës dhe në 15-ditëshin e parë të gushtit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
