Drejtoria Vendore e Policisë së Shkodrës ka dhënë detajet e para zyrtare për atentatin e mbrëmjes së sonte në qytetin e Shkodrës.
Sipas policisë, mësohet se sonte rreth orës 22:15 tek ish-5 Heronjtë pranë Hotel “Rozafa” ka ndodhur një plagosje me armë zjarri.
Menjëherë në vendngjarje kanë mbërritur forcat policore dhe ambulanca.
I plagosur ka mbetur shtetasi Dorian Shtjefni, 30 vjeç, banues në lagjen “3 Heronjtë”, Shkodër.
I dëmtuari është dërguar menjëherë në Spitalin Rajonal Shkodër për ndihmën e nevojshme mjekësore dhe ndodhet jashtë rrezikut për jetën.
Nga Shërbimet e Drejtorisë dhe Komisariatit Shkodër janë ngritur pikat e kontrollit dhe janë në ndjekje të autorëve.
Në vendngjarje ndodhen shërbimet e policisë gjyqësore për kryerjen e veprimeve hetimore.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
