Ilir Dodaj, autori i dyshuar i vrasjes në momentin e arrestimit
Policia vendore e Mirditës ka bërë të ditur se ka arrestuar edhe babanë e vrasësit të dyshuar, ngjarje e ndodhur sot në një fshat të Mirditës.
Sipas policisë, rreth orës 11:00 në fshatin Perlat i Epër, Mirditë është njoftuar se ka ndodhur një vrasje me armë zjarri.
Menjëherë në vendngjarje kanë mbërritur forcat policore që kanë konstatuar se shtetasi Ilir Dodaj, 39 vjeç, banues në Perlat Epër, Mirditë, për motive pronësie, ka vrarë me armë zjarri shtetasin M. D., 52 vjeç, banues në Perlat i Epër, Mirditë. Është lokalizuar vendndodhja e tij dhe falë ndërhyrjes së shpejtë u bë i mundur kapja dhe arrestimi i tij në flagrancë si i dyshuar për veprat penale “Vrasje me paramendim” dhe “Mbajtje pa leje e armëve luftarake dhe municionit” parashikuar nga nenet 78 dhe 278/2 të Kodit Penal.
Gjithashtu është arrestuar në flagrancë edhe shtetasi Gjon Dodaj (babai i Ilirit) 66 vjeç, banues në Perlat i Epër, Mirditë. Pasi gjatë kontrollit të ushtruar në banesë, iu gjet dhe u sekuestrua arma e vrasjes automatik model 56, një krehër me 20 fishekë model 56 dhe një çifte të cilat i mbante pa leje. Ky shtetas dyshohet për veprat penale “Prodhim dhe mbajtje pa leje e armëve luftarake dhe municionit” dhe “Prodhim dhe mbajtje pa leje e armëve të gjuetisë” parashikuar nga nenet 278/4 dhe 280 të Kodit Penal.
Materialet procedurale u referuan në Prokurorinë e Rrethit Gjyqësor Lezhë për veprime të mëtejshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
