Foto Ilustruese
Dy të rinj janë konfliktuar fizikisht midis tyre. Për pasojë, është dashur ndërhyrja e policisë. Por, në këtë moment, njëri prej tyre, viktima e tjetrit, ka kundërshtuar uniformat blu duke i goditur ata dhe automjetin e tyre.
Sipas burimeve zyrtare të policisë vendore të Tiranës, mësohet se dje, u arrestua në flagrancë Klodian Elezi, 22 vjeç, banues në Babrru, si dhe u referuan materialet në Prokurorinë e Rrethit Gjyqësor Tiranë, për D. B., 20 vjeç banues në fshatin Zall-Bastar, sepse një natë më parë, rreth orës 21:00, tek ura e Babrrusë, pas një konflikti, D. B., ka goditur Klodian Elezin, duke i shkaktuar dëmtime trupore.
Për shkak të këtij konflikti janë shoqëruar palët për në Komisariat, nga punonjësit e policisë. Gjatë shoqërimit Klodian Elezi, ka sharë, ofenduar dhe tentuar të godasë me grushte punonjësit e policisë dhe në momentin e futjes në mjetin e policisë, ka gjuajtur me të dyja këmbët derën e pasme të mjetit, ku si pasojë është thyer xhami pasëm i saj.
Ndaj tyre filloi procedimi penal në bazë të neneve 236 & 150 të Kodit penal (për Klodian Elezi), dhe neni 90 i Kodit Penal (për D. B.).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
