Kandidatja demokrate për presidente, Hillary Clinton bëri publike të ardhurat e saj për vitin e kaluar. Clinton ka patur të ardhura vjetore prej 10.5 milionë dollarë gjatë vitit 2015 dhe ka paguar 3.5 milionë dollarë taksa, pra rreth 34 për qind të të ardhurave.
Ndonëse nuk është e detyruar me ligj, është traditë e hershme që gjithë kandidatët për president i bëjnë publike të ardhurat.
Rivali i saj DonaldTrump nuk ka pranuar deri tani dhe thotë se nuk do t’i bëjë ato publike pasi të ardhurat e tij janë duke u kontrolluar nga agjencia e taksave.
Vetë agjencia e taksave, IRS-i, ka thënë se ai kontroll që është duke vazhduar nuk është pengesë për t’i bërë të ardhura publike.
Gazeta “Politico” njofton se në vitet ’90, për dy vite Trump ka paguar shumë pak, ose aspak taksa.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
