Vdekja e turistit rus, avokati: Kallzim penal policisë, moren në pyetje djalin 11-vjeçar të Kuçit pa psikolog

Avokati i biznesmenit Fatmir Kuçi, Alban Qafa ka bërë një kallzim penal për oficerët e Policisë që kanë marrë në pyetje djalin e biznesmenit, i cili është vetëm 11­vjeçar. Bëhet fjalë për aksidentin e rëndë të ndodhur në Himarë, ku një turist rus u aksidentua për vdekje nga një mjet lundrues. Për këtë ngjarje është arrestuar biznesmeni Fatmir Kuçi, i cili pretendon se e ka gjetur të aksidentuar rusin dhe se e ka ndihmuar. Megjithatë, sipas avokatit, Policia ka marrë në pyetje djalin 11­vjeçar të biznesmenit në kundërshtim me ligjin. Avokati thotë për “Neës 24” se djali i biznesmenit është në gjendje të rëndë psikologjike dhe se marrja në pyetje është bërë pa praninë e psikologut. Ai e cilëson arrestimin e klientit të tij si të paligjshëm, pasi nuk është kapur në kushtet e flagrancës.

/DRONI.al/