Policia e Durrësit tregon pse arrestoi nipin e Isa Çopës

Policia e Durrësit tregon pse arrestoi nipin e Isa Copës. Në një njoftim për media thuhet se nipi i Copës, Klevisi është arrestuar për trafikim të drogave të forta. Ai është kapur me 600 gr heroinë.

Njoftimi i policisë:

Specialistët për Narkotikët godasin një tjetër rast të trafikut ndërkombëtar të lëndëve narkotike.

Sekuestrohen 600 gr heroinë.

Arrestohen në flagrancë dy shtetas dhe shpallet në kërkim një tjetër.

Specialistët e Seksionit për Hetimin e Narkotikëve në Drejtorinë Vendore të Policisë Durrës, në bazë të informacioneve të marra në rrugë operative , kanë goditur një tjetër rast të trafikut ndërkombëtar të lëndëve narkotike, ku kanë arrestuar në flagrancë shtetasit :

• Julian Shaqja 25 vjeç, banues në Durrës, marinar në tragetin e anijes Durrës-Bari;

• Klevis Çopa 23 vjeç, banues në Durrës.

Arrestimi i tyre u bë pasi:

Më datë 08.08.2016, gjatë kontrollit të ushtruar shtetasve të mësipërm në pikën e kalimit kufitar të pasagjerëve në Portin Detar Durrës, në çantën e dorës së shtetasit Julian Shaqja iu gjet dhe iu sekuestrua në cilësinë e provës materiale:

• rreth 600 gr lëndë narkotike e dyshuar e llojit Heroinë.

Në vijim të hetimeve u bë shpallja në kërkim dhe po punohet për kapjen e shtetasit:

• G. Ç. 24 vjeç banues në Durrës, organizator i trafikut të lëndës narkotike.

Gjithashtu filloi proçedimi penal në gjendje të lirë në ngarkim të shtetasit:

• H.Ç. 56 vjeç, banues në Durrës, babai i shtetasit Klevis Çopa, pasi:

Gjatë kontrollit të ushtruar në banesën e tij ka kundërshtuar pononjësit e policisë.

Materialet i kaluan Prokurorisë për Krimet e Rënda Tiranë për veprime të mëtejshme për veprat penale“Tafikim i lëndëve narkotikëve”në bashkëpunim dhe”Kundështimi i punonjësit të policisë së Rendit Publik”parashikuar në nenet 283/a/2 dhe 236 të Kodit Penal.

/DRONI.al/