Moti i keq dhe me reshje shiu ka përfshirë ditën e djeshme Maqedoninë, ku nga të dhënat e para mediat raportojnë se bëhet fjalë edhe për person të vdekur. Edhe pse ende nuk janë konfirmuar nga autoritetet mediat shkruajnë se bëhet fjalë për më shume se 15 të vdekur.
Në orët e pasdites së djeshme Shkupi dhe Tetova kanë qenë nën pushtetin e ujit, ndërsa në disa zona periferike banorët u evakuuan për shkak të pamundësisë për të qëndruar në shtëpitë pasi iu janë përmbytur.
Probleme për shkak të reshjeve ka pasur edhe në Komunën e Çairit. Banorët e lagjeve të kësaj komune po “luftojnë” me ujin i cili ka hyrë nëpër bodrumet e shtëpive të tyre.
Edhe lagja e Hasabegut ka qenë ndër lagjet më të goditura nga reshjet e rrëmbyeshme të shiut. Gjithashtu nga reshjet e shiut ka pasur probleme edhe me alet e telefonit dhe furnizimin me energji elektrike.
