VIDEO/ Momenti i përplasjes së automjetit të trafikantëve shqiptarë në Londër

Gjithçka nisi në 25 janar të këtij viti nga një ndjekje policie në rrugët e Londrës. Forcat e rendit ishin vënë në ndjekje të një grupi shqiptarësh që merreshin me trafik droge, por njëri prej tyre e kuptoi që ishte nën vëzhgimin e policisë dhe për këtë shtoi gazin e makinës dhe përfundoi në një servil kompiuterash duke shkaktuar dëme në mijëra paund.
Shqiptari u identifikua si Tristen Asllani. 29-vjeçari po mbahej nën vëzhgim kur i dorëzoi një valixhe shqiptarit tjetër Arbër Beqaj. Në atë valixhe ndodheshin 12 kilogram kokainë. Beqaj i shoqëruar nga Ndriçim Musaj u largua me një taksi, por u bllokua nga policia duke i vënë të dy në pranga dhe sekuestruar lëndën narkotike. Në krahun tjetër Tristen Asllani nuk ishte në dijeni për kapjen e shokëve të tij dhe kishte shkuar sërish në shtëpi dhe kishte dalë me një tjetër valixhe me kokainë. Në këtë moment e kuptoi se po ndiqej nga policia dhe u përpoq të shpëtonte duke rritur shpejtësinë por shkaktoi aksident duke u arrestuar. Në valixhe kishte 21 kilogram kokainë. Në shtëpi policia i gjeti 16.5 kg kanabis si dhe një armë scorpion me silenciator.
Këtë të premte u dha vendimi i gjykatës londineze për 3 shqiptarët. Tristen Asllani u dënua me 25 vite burg, 11 vite për trafik droge dhe 14 për armëmbajtje pa leje. Arbër Beqaj Kurse Beqaj u dënua me 8 vite burg ndërsa Ndriçim Musaj me 9 vite heqje lirie. Sipas medieve britanike vlera e drogës së sekuestruar arrin në 6.4 milionë paund.

Për më shumë mund të lexoni …

FOTO/ Londër, trafikantët shqiptarët si nëpër filma për ti shpëtuar policisë, përplasen me disa dyqane
/web/FOTO_Londer_trafikantet_shqiptaret_si_neper_filma_per_ti_shpetuar_policise_perplasen_me_disa_dyqane_23424_1.php

… Si edhe

FOTO/ Ja kush janë 3 shqiptarët që shpërndanin sasi të mëdha droge, denohen me 42 vite burg
/web/FOTO_Ja_kush_jane_3_shqiptaret_qe_shperndanin_sasi_te_medha_droge_denohen_me_42_vite_burg_23449_1.php

/DRONI.al/