Për kryetarin e Partisë Demokratike, Lulzim Basha, ekonomia shqiptare po shkon drejt rrënimit. Këtë ai e bazon në të dhënat më të fundit zyrtare për 6 mujorin e parë të këtij viti.
Kreu i demokratëve në një postim në rrjetin social Facebook, shkruan se ekonomia është zhytur edhe më shumë në krizë, konsumi ka rënë dhe prodhimi në vend ka rënë.
Ja të dhënat më të fundit zyrtare për 6 mujorin e parë të këtij viti:
Ekonomia është zhytur edhe më shumë në krizë, konsumi ka rënë, prodhimi në vend ka rënë.
Deficiti tregtar rezulton të jetë 14.4% me i lartë sesa në qershor 2015.
Eksportet 6.4% më të ulëta se një vit më parë.
Importet në qershor 2016, rezultojnë 1.6% me të ulëta krahasuar me muajin paraardhës.
Ndërsa në nivel 6 mujor, rezulton se eksportet janë 7.8% më të ulëta sesa eksportet janar – qershor 2015.
Këto janë të dhënat që tregojnë luftën e biznesit për të prodhuar, për të ekzistuar madje, nën tutelën armiqësore e të dhunshme të një qeverie që vetëm rrit taksat, shton gjobat, ngre çmimet e energjisë dhe naftës, dhe nuk kryen asnjë punë, asnjë shërbim. Taksat e larta, korrupsioni, dhe armiqësia ndaj punës dhe prodhimit mungesa e besimit dhe i kanë marrë frymën biznesit, duke e detyruar atë të mbyllet, ose të shkurtojë vendet e punës, duke sjellë këto rezultate.
Fuqia blerëse është në kuotat më të ulëta historike, për shkak të varfërisë, papunësisë e mungesës së të ardhurave.
Kjo është vepra e vërtetë e keqqeverisjes se Edi Ramës prandaj ai rreket me çdo çmim ta heqë debatin nga hallet e vërteta të njerëzve me llomotitjet e konfliktit politik.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
