Kuvendi i Shqipërisë nuk do të mblidhet para datës 11 gusht për seancën lidhur me 7 ligjet për cështjen e Reformës në Drejtësi. Deklaratën e ka bërë sot kreu i Kuvendit, Ilir Meta pas një takimi të gjatë me ambasadoren gjermane në vendin tonë Shutz.
Sot kryetari i Kuvendit Ilir Meta është përshirë sërish në një seri takimesh me amabasadorët e huaj në Tiranë sa i takon përshpejtimit të afateve për miratimin e ligjit të vettingut. “Çdo gjë do të ecë normalisht në respekt të kushtetuës. Jemi duke diskutuar për të përcaktuar sa më shpejt mbajtjen e seancës për miratimin e ligjit të seancës për ligjin e vetingut”- thene Meta.
Në përfundim të takimit, Meta tha duke qeshur se për të, kreun e komisionit të reformës, Fatmir Xhafajn dhe nënkryetarin nga opozita, Oerd Bylykbashi do të ketë pushime dimërore dhe jo verore. “Duket se unë, Xhafa dhe Bylykbashi do të bëjmë pushime dimërore. Pas bisedimeve me konsensus do ju njoftojmë në dy ditët e ardhshme se kur do të shkojmë drejt një seance të suksesshme” tha Meta. Sipas tij, dy ditët që vijnë, palët do të jenë më të qartë që të vazhdojnë rrugën e nisur për të respektuar afatet dhe rekomandimet. Pyetur për mbledhjen e komisionit për ligjet e vetingut, Meta u përgjigj: “Jam i informuar për përgatitjen, komisioni do mblidhet në kohën e duhur, nuk është thjesht të mbledhim komisionin, por të kemi axhendë të qartë nga komisioni deri te mbledhja e seancës”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
