Turqi, rëndohet bilanci: 265 të vrarë, mbi 2800 ushtarë në pranga

Dështon tentativa për grusht shteti e një grupi ushtarak deklaron kreu i ushtrisë.Umit Dundar tha se 104 pucistë janë vrarë.

Tentativa për grusht shteti nga një grup ushtarak turk dështoi pas disa orësh pasi mijëra turq mbështetës të presidentit Erdogan iu përgjigjen thirrjes së tij për të dalë në rrugë për të mbrojtur shtetin.

Dhjetra ushtarë rebelë braktisën tanket të cilët mbrëmjen e së premtes 15 korrik 2016 kishin dalë nëpër rrugët e Stambollit dhe të Ankarasë.

Ndërsa prova finale e dështimit ishte rikthimi i presidentit të Turqisë Rexhep Taip Erdogan në Stamboll gjatë orëve të para të mëngjesit.

Rëndohet bilanci në Turqi. Rreth orës 13: 20 Reuters raporton për 265 të vrarë, mes tyre dhe 104 anëtarë të grushtit të shtetit dhe 1 440 të plagosur. Ndërsa më parëKryeministri turk, Yildirim deklaroi sot në mesditëse janë 161 të vdekur dhe rreth 1440 të plagosur gjatë përleshjeve të mbrëmjes duke u gdhirë e shtuna 16 korrik 2016. Më shumë se 2800 anëtarë të forcave të armatosura janë arrestuar.Duke akuzuar Gylen si organizatorin e këtij grushti shteti, kryeministri deklaroi: “Çdo shtet që do të mbështesë Gylen do të jetë në luftë me Turqinë”

I rrethuar nga mbështetësit që brohorisnin me entuziazëm, live në TV, Erdogan tha sot në mëngjes se përpjekja për grusht shteti ishte një “akt tradhtie” dhe ushtria duhet të pastrohet.

Ai ishte me pushime në një resort në jugperëndim të Turqisë kur u mësua grushti i shtetit.  Erdogan u zotua se organizatorët e grushtit do ta paguajnë shtrenjtë. Por Turqia është përfshirë nga kaosi.

Ministri i brendshëm turk, Efkan Ala thotë se 29 kolonelë, 5 gjeneralë turq janë larguar nga detyra.Strukturaparalele integroi në ushtri njerëzit e tij përfshi 5 gjeneralë, 29 kolonelë të cilët janë pezulluar nga ministri i Brendshëm turk shkruan agjencia e lajmeve Anadolu

/DRONI.al/