Duket se qeveria shqiptare është më e qartë rreth grushtit të shtetit se vende të tjera me ndikim global, pasi ndryshe nga deklaratat e rezervuara të vendeve të mëdha qeveria shqiptare ka marrë qëndrim.
Një burim pranë qeverisë shqiptare deklaroi për Top Channel se Shqipëria mbështet qeverinë demokratike të zgjedhur të Turqisë. Ky nuk është qëndrim zyrtar, por vjen nga një burim i nivelit të lartë.
Ministria e Punëve të Jashtme e Shqipërisë, përmes një postimi në llogarinë zyrtare në “Tëitter” fton qytetarët shqiptarë që ndodhen në shtetin turk që të qëndrojnë në shtëpitë e tyre dhe të informojnë familjet dhe miqtë.
“MPJ po ndjek me vëmendje situatën në Turqi përmes Ambasadës. Ftohen qytetarët shqiptarë të qendrojnë brenda dhe të informojnë familjet e miqtë”, thuhet në njoftimin e parë të MPJ-së.
Ndërsa ministrja e Mbrojtjes, Mimi Kodheli, përmes një postimi në rrjete sociale, deklaroi se i gjithë personeli dhe studentët ushtarakë shqiptarë në Turqi janë shëndoshë e mirë.
Po ashtu, ajo qetësoi të gjithë familjet e atyre, duke thënë se janë të sigurt.
“Personeli dhe studentët ushtarakë shqiptarë në Turqi janë shëndoshë e mirë dhe të gjithë janë të sigurt!”, shkroi ajo në “Facebook”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
