Masakra e të enjtes mbrëma në Nicë të Francës nuk kurseu as fëmijë. Nga 84 të vrarët e konfirmuar deri tani nga autoritetet franceze, 7 raportohen të jenë dhe fëmijë.
Një prej tyre kjo vajzë e vogël, fotoja e së cilës është kthyer në simbol të tragjedisë në rrugët e Nices të mbushura me viktima dhe të plagosur. Pranë trupit të pajetë qëndron kukulla e saj, me të cilën kishte dalë për të shijuar magjinë e fishekzjarrëve, por fati u tregua mizor me të.
Ngjarja e rëndë ndodhi rreth orës 22:30 me orën lokale, kur një kamion hyri mes turmës së njerëzve që merrnin pjesë në festimet e organizuara nga Bashkia për Ditën e Bastijes.
Autori i sulmit, një 31 vjeçar me shtetësi të dyfishtë, franceze dhe tuniziane, u qëllua për vdekje nga policia.
Në bazë të dokumenteve të gjetura në mjet, ai besohet se jetonte në Nice dhe ishte i njohur për policinë si kontingjent kriminal, për vjedhje e dhunë, por jo nga Shërbimet e Inteligjencës. Ndërkaq një person i dyshuar si bashkëpunëtor i tij është në arrati.
Dëshmitarët kanë treguar se shoferi i kamionit ka thirrur “Allahu Akbar” , ndërsa grupe mbështetëse të ISIS kanë festuar sulmin. Policia ka gjetur në kamion armë dhe granata.
FOTO/ Francë, “sulmi” me kamion në Nice, mes viktimave edhe 7 fëmijë
