Një vajzë 9-vjeçare është cilësuar si një engjëll mbrojtës. Vajza e cila kishte shkuar për të kontrolluar derrat që rrisnin në banesën e saj, ka gjetur një foshnje të porsalindur e cila ishte braktisur nga prindërit e saj.
Elysia Laub, nga Indiana, SHBA, e pa foshnjën të shtrirë në bar së bashku me kordonin e kërthizës dhe të mbuluar me krimba, në oborrin e pasmë të shtëpisë së fqinjëve.
Vajza e vuri re foshnjën ndërsa shkoi për të parë derrat e familjes, duke menduar se njëri prej tyre ishte larguar.
Falë ndihmës së vajzës e cila telefonoi prindërit e saj dhe policinë foshnja e porsalindur u dërgua menjëherë në spital.
Ndërkohë policia po punon për gjetjen e prindërve të saj të cilët e kanë braktisur ndërsa ka falënderuar vajzën heroinë e cila ka bërë një zbulim tepër të rëndësishëm.
Për fat të mirë foshnja e braktisur kishte pësuar vetëm disa djegie nga dielli , por ajo nëse do të kishte qëndruar edhe pak më gjatë nuk do të mbijetonte.
Vogëlushes së mbijetuar tashmë i kanë vënë edhe pseudonimin “Mrekullia Jane Doe”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
