Një video e publikuar së fundit në rrjetet sociale tregon se si një drejtues automjeti nget makinën e tij në krah të kundërt në Rrugën e Kombit.
Këshilltari i Qeverisë së Kosovës, Besnik Berisha që ka publikuar videon, thotë se ajo është filmuar para pak ditësh në pjesën e autostradës në Shqipëri.
“Po e postoj këtë video të filmuar para pak ditësh në Rrugën e Kombit, në pjesën e Shqipërisë, për t’iu vënë në dijeni se me çka mund të përballeni nëse qarkulloni në këtë pjesë.
Kjo veture, siç mund ta shihni, në pikë të ditës, pa u frikësuar e as turpëruar nga askush, bëri disa kilometra në kahjen e kundërt. Sigurisht se gjëra të tilla kanë ndodhur dhe ndodhin edhe në rrugët tona, por uroj të kemi sa më pak!
Të gjithë duhet të përkushtohemi për më shumë siguri në rrugë, sepse vetëm në këtë mënyrë mund të reduktojmë numrin e të lënduarve dhe vdekurve në aksidente trafiku, që mjerisht në Kosovë dhe Shqipëri mbetet tejet i madh”, shkruan ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
