HISTORIA/ Tradhtova burrin se më vrau macen

Për inat të sime vjehrre shkoj dhe fle me mullixhiun”, është pikërisht kjo shprehja që i shkon për shtat historisë së kësaj 31 vjeçareje, e cila ka rrëfyer historinë e saj të tradhtisë për rubrikën e “The Sun.

31 vjeçarja ka treguar se ka tradhtuar bashkëshortin e saj me një djalë 23 vjeçar, vetës se burri i kishte vrarë macen.

Ajo tregon se veprimi i burrit ishte një hakmarrje ndaj saj, pasi ajo kishte shkuar me pushime bashkë me shoqen e saj pa marrë leje më parë.
Për më tepër lexoni historinë:

Letra e gruas

“Im shoq më vrau macen sepse unë ika me pushime me shoqen time, ndërsa unë nga inati e tradhtova. Unë jam 31 ndërsa im shoq është 33 dhe kemi tre fëmijë. Ai punon gjithë ditën dhe madje edhe në fundjavë dhe e kemi të pamundur të kalojmë pushime së bashku. Një mikesha ime më ftoi të shkoja me të një fundjavë në Spanjë dhe unë pranova. Por pasi ika, im shoq më thotë se më kishte ngordhur macen prej inatit që ika me pushime. Nga mërzia piva shumë atë natë dhe në një lokal njoha një djalë vetëm 23 vjeç.

Pa e kuptuar përfundova me të në shtrat. Doja të merrja hak ndaj burrit sepse më vrau kafshën time shtëpiake. Por kur u ktheva në shtëpi mendova se çdo gjë e kisha lënë pas….por djali më bombardoi me mesazhe dhe mësova se jetonte vetëm 30 minuta larg shtëpisë sime. Ne vazhduam të flisnim dhe të takoheshim ende dhe një ditë burri më kapi mesazhet dhe i lexoi të gjitha. Unë mendova se do inatosej por ai filloi të qante. Më erdhi keq dhe i premtova se do t’ia nisnim prapë nga fillimi dhe nga ai moment i bëra bllok numrit të 23­vjeçarit. Por kam frikë nëse do t’ia dalim edhe një herë të rregullojmë lidhjen tonë”.

Përgjigjja e psikologes

“Ndoshta kishe të drejtë që gjet ngrohtësi diku tjetër por akoma dhe më mirë ke bërë që i ke dhënë edhe një shans martesës tënde. Nëse vërtetë e do bashkëshortin atëherë do t’ia dalësh që ta kalosh këtë situatë”.

/DRONI.al/