Policia e Durrësit ka dhënë detaje për sasinë e madhe të drogës që u kap në Portin e Durrësit.
Njoftimi i Policisë
Policia Kufitare në bashkëpunim me Seksionin për Hetimin e Narkotikëve kanë goditur një tjetër rast të trafikut ndërkombëtar të lëndëve narkotike.
Sekuestrohet rreth 700 kg Cannabis Sattiva.
Arrestohet në flagrancë një shtetas.
Policia Kufitare në bashkëpunim me Seksionin për Hetimin e Narkotikëve në Drejtorinë Vendore të Policisë Durrës, në bazë të informacioneve të marra në rrugë operative kanë goditur një tjetër rast të trafikut ndërkombëtar të lëndëve narkotike, dhe kanë arrestuar në flagrancë shtetasin:
R.R. 48 vjeç, lindur në Tiranë dhe banues në Vlorë.
Arrestimi i tij u bë pasi:
Pas dyshimeve të grupit të përbashkët të kontrollit, mjeti tip kamion me targa AA 283 MZ, i ngarkuar me aksesorë mobiliesh, me drejtues shtetasin R.R. u kalua në skaner ku iu gjetën dhe iu sekuestruan në cilësinë e provës materiale:
rreth 700 kg lëndë narkotike e dyshuar e llojit Cannabis Sattiva.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale” Trafikimi i lëndëve narkotike” parashikuar në nenin 283/a/2 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
