ALARMI/ Fitimet nga kontrabanda e duhanit mbështesin terrorismin

Vitet e fundit vendet e Ballkanit Perëndimor në përpjekje që të përmbushin të gjitha rekomandimet dhe rregulloret e Bashkimit Evropian në rrugën e tyre drejtë anëtarësimit, kanë bërë që gradualisht ta ngrenë normën e akcizës si pjesë e harmonizimit me standardet e BE-së.
Edhe pse nisma për rritjen e akcizës synon zvogëlimin e numrit të duhanpirësve aktiv, ende në këtë rajon qëllimi i dëshiruar nuk është arritur, por ka ndodhur një tjetër kundër-efekt: çdo rritje e akcizës është shoqëruar me rritjen e përqindjes së produkteve të kontrabanduara dhe falsifikuara të duhanit. Pos që këto produkte kanë një çmim më të ulët, pjesa më e frikshme është se shpesh këto produkte bartin rrezik shumë më të madh të sëmundjeve për ata që i konsumojnë këto cigare.
“Jo vetëm cigaret, por në të njëjtën kohë ndodhë edhe kontrabandimi i alkoolit, drogës e në rastin më të keq edhe i njerëzve. Fondet e marra nga kontrabanda e cigareve shpesh përfundojnë si një mbështetje financiare për organizatat ilegale dhe terroriste”, thuhet në një komunikatë të PMI.
“Niveli i tregtisë së paligjshme të produkteve të duhanit në Shqipëri është rreth 20-25% të konsumit të përgjithshëm e cila çon në gati 50 milionë euro humbje për Qeverinë në pamundësinë e mbledhjes së akcizës dhe TVSH-së në produktet e duhanit”, thotë Roman Khrushch, menaxher i përgjithshëm në Philip Morris për Shqipëri dhe Kosovë.
PMI dhe kompanitë e tjera të duhanit nga rajoni janë në kontakt të vazhdueshëm me qeveritë dhe institucionet e tjera relevante, organet shtetërore në Shqipëri, Maqedoni dhe në vendet fqinje, ku po punojnë për të ulur tregtinë e paligjshme të duhanit dhe produkteve të tij.
“Në këtë drejtim, vendimi i Qeverisë së Shqipërisë për të mos e rritur akcizën mbi produktet e duhanit në fillim të këtij viti ishte një vendim shumë i mirë, thjesht sepse kjo parandalon që konsumatorët të vrapojnë pas produkteve të lira e të kontrabanduara”, thotë Khruschcd.
Kohët e fundit, është projekti PMI IMPACT, i cili do të synoj të parandaloj kontrabandën dhe kriminelët duke ndarë në tri faza 100 milionë euro për projekte që në mënyrë kreative propozojnë ide për ti luftuar të gjitha llojet e krimeve.

/DRONI.al/