Policia rumune ia doli të zbulonte më shume se 2.3 tonë kokainë të fshehur në një anije të ngarkuar me banane.
Droga ishte transportuar nga Kolumbia dhe pjesë të tjera të Amerikës së Jugut për në Rumani mes muajve prill-qershor dhe kishte si destinacion Evropën Perëndimore.
Vlera e kokainës në rrugë do të kapte 694 milionë dollarë. Ajo ishte fshehur në arkat e bananeve që ndodheshin në anijen e ankoruar në Detin e Zi. Anija kishte një ngarkesë prej 320 tonë banane.
Kjo është sasia më e madhe e sekuestruar ndonjëherë në Rumani, dhe një nga më të mëdhatë në Evropë vitet e fundit.
Të arrestuar janë një maroken që cilësohet si lideri i grupit si dhe katër persona të tjerë nga Lituania përfshirë edhe një kolumbian.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
