Familjarët e Almirit kërkojnë dënim maksimal për autorin

Lumenj njerëzish vazhdojë arrijnë në konakun për të pame në familjen Aliu në Kumanovë. Asgjë nuk e kompenson humbjen e Almirit katër vjeçar, por , tradita shqiptare për të qenë pranë njëri tjetrit në ditët e vështira, bënë që sado pak të zbusë dhimbjen e familjarëve. Edhe pse në dhimbje e pikëllim të madh, familjarët e Almirit qetësojnë situatën duke sqaruar se ky rast është personal mes Sedatit dhe Bojanit dhe nuk duhet ti jepet dimension ndërnacional dhe se krimineli nuk ka as komb e as fe , kurse drejtësia le ta dënojë maksimalisht. E ndërkaq sa i përket organizimit të protestave, familja Aliu me thirrje deri tek organizatat e ndryshme e partitë politike, që rasti mos të keqpërdoret për interesa partiake apo individuale.

“I lus të gjithë, që mos të shkaktojnë probleme sepse ky rast nuk ka ndonjë bazë nacionale, por ka qenë një problem i rastësishëm personal ndërmjet kushëririt tim Sedatit dhe Bojan Ilicit, kështuqë kriminelët në fund të fundit nuk kanë as fe, as komb por as vlera njerëzore. Besoj dhe u apeloj të gjitha organeve të drejtësisë që kriminelin ta dënojnë me një dënim maksimal, që mos të përsëriten raste të këtilla në këtë rajon”, tha Faruk Aliu, kushëri i Sedat Aliut.

Ne familjen e Bojan Iliçit vrasësit të Almirit 4 vjeçar. Babai i Bojan Ilicit, Goce shpreh keqardhje për humbjen e fëmijës.

“Së pari dua ti shpreh ngushëllime familjes së vogëlushit. Edhe unë jam prindër, e di si është andaj edhe shpreh ngushëllimet e mia. Më vjen shumë keq për atë që ndodhë dhe nuk do të doja që kjo të situata të përshkallëzohet dhe dikush nga kjo të përfitoj politikisht. Ne fëmijën nuk mund ta kthejmë me asnjë çmim. Djali im ka bërë gabim dhepër gjithçka që ka ndodhur duhet të zgjidh gjyqi, nëse ai është fajtor, apo nëse ka arsyeje tjera”, tha Goce Ilic, Babi i Bojan Ilic.

Tragjedia erdhi pas një zënke banale mes babait të Almirit të ndjerë Sedatit dhe Bojan Iliq, kur ky i fundit përplasi me makinë familjen 3 antarëshe Aliu, e si pasojë e lëndimeve të rënda Almiri ndërroi jetë.

/DRONI.al/