Një aksident me pasojë vdekjen e një shtetasi ka ndodhur mëngjesin e kësaj të diele në fshatin Dhrovjan të Delvinës.
Policia, në njoftimin e saj paraprak njofton se shërbimet e saj kanë shkuar menjëherë në vendngjarje me të marrë njoftimin për këtë aksident rrugor.
Në vendngjarje, ata kanë konstatuar daljen e automjetit tip Benz nga rruga, për pasojë të së cilës ka gjetur vdekjen e menjëhershme shtetasi i identifikuar me inicialet P.V., i moshës 67-vjeçare, banues i fshatit Krongj të njësisë administrative Mesopotam.
Policia bën të ditur gjithashtu se në automjet nuk ka pasur persona të tjerë, veç drejtuesit të mjetit, ndërsa shkaqet e aksidentit janë ende të paditura, e për këtë po punohet nga forcat blu.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
