Një i ri është grabitur pasi është goditur me pistoletë në kokë. Ngjarja ka ndodhur në rrugën “3 Dëshmorët”, në Yzberish, Tiranë.
Burime e policisë Vendore bënë të ditur se ngjarja ka ndodhur rreth orës 03:00 të mëngjesit të sotëm. I riu me inicialet J. K., është ndjekur dhe qëlluar me qytën e pistoletës në kokë. Pas kësaj, personat ende të paidentifikuar, e kanë grabitur të riun, duke i marrë telefonin dhe një varëse floriri që kishte në qafë.
Pas sulmit fizik, 22-vjeçari me inicialet J. K., është dërguar në spital ku ndodhet nën kujdesin e mjekëve, ndërsa burime nga policia thanë se janë duke punuar për identifikimin e autorëve të kësaj grabitjeje.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
