Korrikun e shkuar, 43-vjeçari Paul Briggs, me profesion polic u përfshi në një aksident tragjik teksa udhëtonte me motor. Babai i një vajze 5-vjeçare, arriti të mbijetonte përtej çdo parashikimi, por ra në koma dhe prej 12 muajsh vijon të mbahet në jetë nga aparaturat.
Bashkëshortja e tij, Lindsay Briggs, në një rrëfim rrënqethës për britaniken “Mirror” shprehet se edhe nëse Paul del nga koma, truri i tij është i dëmtuar dhe sipas mjekëve do të ketë nevojë përkujdesje 24/7.
“E shoh përditë teksa tretet dhe e di që edhe ai do të donte të vdiste”, deklaron gruaja, e cila ka 15 vite e martuar me të dhe e dashuron pa fund.
Për shkak se Paul nuk ka lënë me shkrim dëshirën e fundit, gruaja shpjegon se mjekët nuk e lejojnë që t’i heqë aparaturat që e mbajnë gjallë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
