Fokusi ku do të pëqëndrohet puna e institucionit të Kontrollit të Lartë të Shtetit për vitin 2016 do të jetë tek marrëveshjet koncesionare dhe partneriteti privat-publik (PPP). Kreu i KLSH, Bujar Leskaj, duke raportuar në Komisionin e Ekonomisë për punë e këtij institucioni përgjatë vitit që lamë pas në një analizë të përmbledhur të punës së këtij institucioni ka nxjerr një shumë jot ë vogël që është bërë në dëm të shtetit, dhe sipas KLSH bëhet fjalë për plotë 919 mln euro. “Në vitin 2015 kemi kryer 158 auditime të performancës ose në nivelin 8.8%. Në këtë vit synojmë që auditimet të rriten në nivelin e 15%. Nga auditimet e bëra nga KLSH rezulton se dëmi ekonomik i shkaktuar nga parregullësite është 125.8 mld lekë, ose 919 mln euro”, është shprehur Leskaj.
Kreu i KLSH-së i sugjeroi Qeverisë të hartojë ligjin për përgjegjësitë materiale, ku autoritetet dhe institucionet të mbajnë përgjegjësi. “Refomës në drejtësi i uroj suksese, por kjo reformë duhet të vijojë në këtë drejtim, për mbajtjen dhe mosmbajtjen e përgjegjësive të demit/abuzimit” ka vazhduar më tej Bujar Leskaj.
Në vijim të raportit, Leskaj tha se KLSH ka marrë në analizë edhe rezervat e kompanisë Albpetrol. Auditimet e KLSH janë shoqëruar edhe me kallëzime penale ndaj zyrtarëve të lartë dhe të mesëm.” Në vitin 2015 KLSH ka bërë 51 kallëzime penale, mesatarisht 1 kallëzim në jave. Arsyeja është niveli i ulët i zbatueshmerisë. Para Prokurorise janë derguar zyrtarë te larte dhe te mesem. Demi ekonomik i shkaktuar për këto kallëzime është 85 mld lekë.Nga viti 2012-2015 ne kemi bere gjithesej 170 kallezime Penale”, ka thënë Bujar Leskaj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
