Një i ri u arrestua sot nga policia e Korçës për kundërshtim të forcave të rendit, por faqja “Nisma Thurje” ka publikuar dy foto të tij, ku ai shihet ne gjende te rende dhe i dhunuar barbarisht nga policia.
Bëhet fjalë për shtetasin Juxhin Kulla, i cili sipas një deklarate të policisë, u arrestua për kundërshtim me dhunë të forcave të policisë të seksionit kundër narkotikëve.
Njoftimi i policisë:
Kundërshton me dhunë punonjësit e Policisë, arrestohet në flagrancë një shtetas. Më datë 25.06.2016, u bë kapja dhe arrestimi në flagrancë i shtetasit:
Jurxhin Kulla, 31 vjeç ,banues në Korçë. Arrestimi i tij u bë pasi, ky shtetas në ambjentet e Drejtorisë Vendore të Policisë Korçë, për shkak të detyrës, ka kundërshtuar me dhunë, punonjësit e Seksionit kundër Narkotikëve.
Materialet i kaluan Prokurorisë të Rrethit Gjyqësor Korçë, për veprën penale: “Kundërshtim i punonjësit të policisë së rendit publik” parashikuar nga neni 236/2 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
