Sot rreth orës 11.00 pritet ët fillojë takimi i dakordësuar midis kreut të LSI-së, kryeparlamentarit Ilir Meta dhe kreut të PD-së, Lulzim Basha. Përveç takimit të konfirmuar mësohen edhe emrat respektive nga të cilët do të shoqërohen Basha e Meta. Kështu, kreu i PD-së do të shoqërohet nga Oerd Bylykbashi, ndërsa kreu i LSI-së nga Sokol Dervishi.
Sikurse shihet, në tryezë nuk ka asnjë socialist.
Me gjithë mungesën sot të Petrit Vasilit, i cili zëvendësoi Bashkim Finon takimin e parë midis Ramës e Bashës, Meta nuk “ia ka kthyer borxhin” socialistëve. Ndërsa supozohet që edhe Petrit Vasili të mungojë në këtë tryezë të dytë sepse mund të jetë “me grip”, ai nuk është zëvendësuar nga ndonjë socialist, të cilin nuk e ka zënë gripi.
Takimi Meta-Basha për reformën në drejtësi, i kërkuar nga kryeparlamentari Meta, do të zhvillohet sot në orën 11:00.
Lidhur me këtë takim, mësohet se ka qenë europarlamentari Eduard Kukan ai i cili ka folur me liderin e LSI, Ilir Meta dhe kreun e PD, Lulzim Basha.
Pas mosdakordësisë që patën dy liderët, i pozitës dhe opozitës, kryeparlamentari kërkoi takim brenda ditës së hënë me kreun e opozitës, Lulzim Basha. Gjatë gjithë kohës, në qëndrimet e tij Ilir Meta është shprehur se reforma në drejtësi duhet absolutisht të miratohej edhe me votën e opozitës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
