Një 35-vjeçar shqiptar u arrestua nga policia italiane për dhunë në familje ndaj gruas dhe dy fëmijëve të mitur, si edhe për tentativë vrasje dhe kërcënim ndaj efektivëve të policisë.
Ngjarja ka ndodhur pasditen e së shtunës kur policia morri njoftimin nga fqinjët e familjes se po ndodhte një sherr në banesë. Policia ka nisur menjëherë negociatat me shqiptarin duke i thënë të arsyetojë dhe të mos lëndojë familjarët e tij. Por 35-vjeçari është kundërpërgjigjur duke kërcënuar agjentët me një thikë të madhe kuzhine, e madje duke tentuar disa herë t’i godasë ata.
Ndërkohë, gruaja një 33-vjeçare me origjinë italiane, dhe dy fëmijët e vegjël, është fshehur në tualet, duke shkaktuar një reagim të dhunshëm dhe të çmendur të bashkëshortit të saj, i cili i armatosur me një thikë dhe çekiç, ka hyrë në dhomë dhe ka tentuar ta vrasë gruan. Duke parë rrezikun për jetën e gruas dhe të fëmijëve, policia ka hyrë në banesë nga dera e përparme e shtëpisë e më tej nga dritarja e banjës. Policia ka neutralizuar menjëherë shqiptarin duke i hequr armën e ftohtë.
Sipas mediave italiane, për të neutralizuar situatën kanë ndërhyrë edhe patrulla të tjera shtetërore të policisë, forcat zjarrfikëse, policia shkencore dhe karabinierët. Ata kanë bërë negociata të gjata me shqiptarin i cili përpiqej të dëmtonte familjen e tij, gruan dhe dy djemtë e mitur.
Gruaja dhe fëmijët u vunë menjëherë nën kujdesin e mjekëve, pasi kishin kaluar në gjendje shoku. Për fat të mirë asnjë nga familja nuk mbeti i lënduar. Vetëm disa policisë që ndërhynë për të neutralizuar 35-vjeçarin u plagosën lehtë. Nga hetimet rezultoi se shqiptari kishte precedentë të mëparshëm penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
