Vrasja në Itali, babai merr përsipër krimin: Më rrëmbeu gruan e djalit

Lek Preçi

“Ai rrëmbeu gruan e djalit tim, duhet të paguante për këtë gjë!”.
Kjo është deklarata që ka bërë në polici Lek Preçi, i cili është i arrestuar bashkë me dy djemtë e tij, Edmondin dhe Altinin, për vrasjen e 45-vjeçarit shqiptar Petrit Nikolli, në 25 maj.
“Fëmijët e mi nuk kanë të bëjnë me vrasjen”, ka thënë Lek Preçi.
“Ata nuk e dinin se unë isha i armatosur dhe qëllimi ishte për të sqaruar situatën. Në një moment unë u sulmova dhe kam mbrojtur veten. Kjo është arsyeja pse e qëllova”.
Në 25 maj, Petrit Nikolli u qëllua për vdekje me një plumb në kokë. Mbesa e Nikollit ishte e martuar me djalin e vogël të Preçit me të cilin marrëdhëniet nuk ishin të qeta.
Ndërsa Edmondi u justifikua se Nikolli kish shkuar për të rrëmbyer gruan e tij.
Vrasja ka ndodhur në Rimini të Italisë. Çështja e nderit siç e cilësuan mediat italiane është ajo që detyroi babanë dhe dy djemtë e tij të udhëtonin nga Milano drejt Rimini, për të marrë hak.
Nikolli u përpoq të zgjidhte konfliktin e mbesës së tij por e pagoi shtrenjtë. Ai ishte babai it re fëmijëve dhe priste një të katërt.

Petrit Nikolli

/DRONI.al/