Kokëdhima provokon incidente mes socialistëve në Gjirokastër, injoron Kodhelin në Vlorë

Koço Kokëdhima nuk po pajtohet dot, jo vetëm me humbjen e mandatit të deputetit, por për më tepër me “humbjen e terrenit” në qarqet Vlorë – Gjirokastër. Si të mos mjaftonin “këto ët këqija”, edhe Edi Rama ka zgjedhur ta dublojë atë me dy ministra, në Vlorë me Mimi Kodhelin dhe në Gjirokastër me Blendi Çuçin.
Të parët që kanë hasur me merakun e Koç Kokëdhimës, për “humbjen e terrenit”, janë dubluesit e tij. Konkretisht, mësohet se Blendi Çuçi ka pasur një incident me “mbështetësit” e Koço Kokëdhimës. Incidenti ka ndodhur ndërsa, i deleguar i Kryeministrit Edi Rama në Gjirokastrës, Bledi Çuçi organizoi një mbledhje me strukturat e PS në këtë qark. Gjatë kësaj mbledhje, kanë qenë edhe disa “të paftuar” nga socialistët e Gjirokastrës, por “të ftuarit” nga Vlora, të Koço Kokëdhimës.
Kanë qenë këta socialistët e Vlorës që “pushtuan” Gjirokastrën, që kanë krijuar edhe incidente në takim.
Mes tyre ishte edhe deputetja e Vlorës Mira Shehu, e cila njihet për devotshmërinë e saj ndaj Koço Kokëdhimës. Misioni i deputetes socialiste Mira Shehut ishte të mbikëqyrte ministrin socialist Blendi Çuçin.
Paka apra fillimit të taklimit, socialistë të Vlorës u futën në mbledhjen e PS Gjirokastër. Nga an e tyre, “të zotët e shtëpisë” ju kanë ëkrkuar “të paftuarve” që të largoheshin pasi ishte mbledhje Gjirokastre dhe jo Vlore. Por deputetja Mira Shehu ngulmoi të qëndronte pasi përfaqësonte koordinatorin Koço Kokëdhima.
Ka qenë “toleranca’ e Blendi Çuçit, i cila pas rreth 30 minutave debate vendosi që të lejojë delegatët nga Vlora të qëndronin, dëgjonin, e të mbanin shënime, por mos të kishin të drejtë fjale.
Incidente Koço Kokëdhima ka provokuar edhe në Vlorë, me të deleguarën Mimi Kodheli.
Gjatë procesit propozues të kandidaturave nga baza në qarkun Vlorë, për drejtuesit vendorë të PS-së, e deleguara Mimi Kodheli nuk mori dot pjesë, pasi mësohet se Koço Kokëdhima nuk i hapi telefonin, dhe ajo nuk mundi të komunikonte me të. Kur ky proces kishte përfunduar, dhe moskomunikimi mes tyre u trajtua me shqetësim edhe në mbledhjen e Kryesisë, zgjidhjen e gjeti kryeministri Edi Rama, i cili e mori me vete Mimi Kodhelin “për tu dukur” e “për inat” të Koço Kokëdhimës, në turin më të fundit turistik të tij në Vlorë, vetëm pak ditë më parë.

/DRONI.al/