Strukturat e Drejtorisë Vendore te Policisë Tiranë dhe Drejtorisë së Policisë së Shtetit, kanë sekuestruar gjatë një operacioni të koduar “Moglica” një arsenal armësh të rënda dhe municionesh si dhe kane arrestuar në flagrancë 2 autorë të dyshuar të kësaj ngjarjeje.
Aksioni i Policisë së Tiranës, konkretisht i Sektorit Kundër Narkotikëve dhe Trafiqeve, është kryer në bashkëpunim te ngushte me Prokurorinë pranë Gjykatës së Shkallës së Parë Tiranë dhe në përfundim të një hetimi disamujor, është arritur të dokumentohet përmes teknikave speciale veprimtaria kriminale e shtetasve Adil Mersinllari dhe Bledar Muçollari, duke sekuestruar në cilësinë e provës materiale armë të rënda, lëndë plasëse dhe municione luftarake.
Gjate këtij operacioni është ushtruar kontroll ne 24 banesa te dyshuarish dhe janë shoqëruar në drejtoritë respektive Tiranë dhe Korçë mbi 16 persona.
Vazhdojnë hetimet për persona të tjerë të dyshuar, lidhje të subjekteve të arrestuar që mund të jenë të implikuar në këtë veprimtari kriminale.
Gjithashtu se bashku me Prokurorinë e Tiranës po hetohet mënyra e gjetjes dhe destinacioni final për këtë sasi armatimi te sekuestruar.
Materialet procedurale në ngarkim të tyre janë dërguar në Prokurorinë pranë Gjykatës së Shkallës së Parë Tiranë për veprën penale “Prodhim dhe mbajtje pa leje i armëve luftarake dhe i municioneve“, “Trafikim i armëve dhe i municioneve” të parashikuar nga neni 278 dhe 278/a i Kodit Penal.
Të arrestuar
• Adil Ismet Mersinllari, 42 vjeç, lindur e banues ne Korçë
• Bledar Bardhyl Muçollari, vjeç 32 lindur dhe banues në Korçë
Provat të sekuestruara
• 57 copë kallëpe tritoli të masës 400 gr për çdo kallëp.
• 103 copë granata sulmuese “defensive ”.me rreze shpërthyese rreth 200 metra
• 100 copë ndezës granatash.
• 1 granatë-hedhës,
• 23 predha granathedhësi Në të gjitha predhat gjenden të dhëna të markerimit dhe janë prodhim kinez
• 20 kutia ne forme tubi te dyshuara si eksplozive me nje fuqi shume te forte shpërthyese
• 2 kaseta metalike, dhe 1 kuti metalike per mbajtje fishekësh model 56, të kalibrit 7.62 mm. Në total sasia e fishekëve 1640 copë.
• 1 shtrat tre këmbësh për mitraloz të rëndë.
• 216 copë krehra mbajtës fishekësh model 56, kalibër 7.62 mm, të vajosur dhe me të gjitha pjesët dhe aksesorët e tyre.
• 3 murtaja me trekëmbësha dhe pjatat kupore.
• 2 mitraloza të rëndë së bashku me trekëmbëshat mbajtës.
• 20 pjese mitralozash te rende te çmontuar
• 1 shirit metalik me 250 copë fishekë mitralozi të rëndë model 53.
• 1 automjet tip Opel Omega me targa KO 6690 B.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
