Berat,divorci më bashkëshorten e çon radiologun e poliklinikës në vetëvrasje

Divorcit nga bashkëshortja duket se nuk i ka rezistuar dot një radiolog i poliklinikës së Beratit pasi i ka dhënë fund jetës duke u vetëvrare.

Bëhet fjalë për shtetasin Makilian Laçka, 35 vjeç, babai i një fëmije, i ka dhënë fund jetës, pas një gjendjeje të rënduar psikologjike në të cilën ndodhej. Mësohet se ngjarja ka ndodhur në lagjen “30­vjetori”, brenda banesës së familjes Laçka. Viktima punonte pranë poliklinikës së qytetit, i specializuar në radiografi.

Burime pranë Policisë thanë se, shkak për ngjarjen e rëndë dyshohet të jetë bërë ndarja me bashkëshorten e 35­vjeçare. Pasi kanë parë gjendjen e tij të rënduar, kolegët të poliklinikës kanë dashur ta ndihmojnë, duke e këshilluar, por duket se nuk ia kanë dalë dot. Ai i ka dhënë fund jetës, duke u vetëvarur në litar, ndërsa ka shfrytëzuar kohën kur ndodhej i vetëm në banesën e tij. Kolegë të 35­ vjeçarit tregojnë se Makilian Laçka rridhte nga një familje mjekësh, shumë e nderuar në qytetin e Beratit. Grupi i punës po vazhdon hetimet për ngjarjen.

/DRONI.al/