Gazeta greke “Ethnos” ka bërë një artikull të gjatë për “Baronin e Ballkanit”, kreun e organizatës kriminale që trafikonte drogë në të gjithë Evropën.
“Biznesmeni 44-vjeçar, përveç Santa Quaranta është gjithashtu pronar edhe i hotel ‘Olivia’ në bregdetin e Butrintit. Edhe Santa Quaranta është një investim prej 20 milionë Euro. Sot është hoteli më modern dhe luksoz në bregdetin shqiptar. Hoteli organizon shpesh ‘netët greke’ ku janë të ftuar shumë emra të muzikës greke, duke përfshirë Katerina Stikoudi, George Tsalikis, Ilias Vrettos, Stavento”, shkruan e përditshmja.
kengetaret
Më tej, gazeta greke ka pasqyruar të gjitha deklaratat dhe akuzat politike në Shqipëri për këtë çështje. Në të pasqyrohen akuzat e ndërsjella mes Saimir Tahirit Flamur Nokës dhe deklaratat e kryeministrit Rama apo të ministrit Manjani. “Ish-kryetari i Partisë Demokratike, Sali Berisha, shprehet se në rrjetin e trafikut të drogës është përfshirë Tahiri, duke implikuar dhe ish-deputetin e Partisë Socialiste, Koco Kokëdhima i cili ka kërkuar legalizimin e kanabisit në Shqipëri”, citohet në shkrim.
Duke folur rreth 44-vjeçarit Kelmend Balilit ai shihet si një person, me lidhje të forta politike . Ai përmendet se është pronar i resortit luksoz ‘Santa Quaranta’ në Sarandë, një investim 20 milionë Euro, ku një vit më parë në inaugurimin e tij morën pjesë drejtues të lartë të Qeverisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
