Një çift nga Tirana janë arrestuar pasi në automjetin e tyre është gjetur 5. 5 kg lëndë narkotike e llojit kanabis sativa.
Droga ishte fshehur në bagazhin e makinës dhe është gjetur në momentin e kontrollit të makinave në vijën e dytë në Portin e Durrësit.
Të arrestuarit janë Andi Pepnika 40 vjç, banues në Kamëz dhe bashkëshortja Dezdimona Jahelezi 32 vjeçe
“Arrestimi në flagrancë i tyre u bë pasi: Më datë 14.05.2016 , np pikën e kontrollit të automjeteve, në vijën e dytë, në Portin e Durrësit, në automjetin tip Benz me targa DË 435 TV, me drejtues shtetasin Andi Pepnika dhe pasagjere, bashkëshortja e tij, shtetësia Dezdimona Jahelezi, në bagazhin e mjetit i’u gjetën dhe i’u sekuestruan në cilësinë e provës materiale: • rreth 5.5 kg lëndë narkotike e dyshuar e llojit Canabis Sattiva” informon policia e Durrësit.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale” Trafikimi I lëndëve narkotike, në bashkëpunim” parashikuar në nenin 283 / a / 2 të Kodit Penal.
Operacioni u krye nga policia Kufitare në bashkëpunim me Seksionin për Hetimin e Narkotikëve
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
