Kreu i komisionit Parlamentar të Medias, deputeti demokrat Genc Pollo, ka bërë një “përkufizim” domethënës dhe “origjinal”, të marrëdhënieve, për më tepër komunikimeve midis tyre, të ministrit të Brendshëm Saimir Tahiri me Emiljano Shullazin.
“Saimir Tahiri dhe Emilajno Shullazi komunikojnë aq shpesh me njëri tjetrin, sa komunikojnë midis tyre, dy gjimnazistë të dashuruar”, u shpreh Pollo i ftuar në studion lajmeve të TV “News 24”.
Ndërkohë, midis të tjerave Pollo tha se komisioni hetimor për ligjshmërinë e emërimeve në administratë, të cilin ai e kryeson, ka dërguar në polici një listë me 130 persona me të kaluar penale që janë emëruar në poste kyçe.
Më tej, Pollo u ndal tek mbledhja e grupit parlamentar të PD i zhvilluar sot në praninë e ambasadorëve Lu dhe Vlahutin, ku u diskutua për reformën në drejtësi. Pollo tha se PD është gati të votojë 50 % të draftit të reformës, pos sipas tij, gjysma tjetër ka nevojë për përmirësime.
“Mungesa e reformës në drejtësi i ka shtrirë dorën kryeministrit dhe ministrave që të firmosin koncesione që u marrin miliona para shqiptarëve. Reforma në drejtësi duhet, por duhet të jetë e mirë. Ka disa drafte që kanë ardhur në përmirësim. Ky që është paraqitur ka shumë gjëra të mira. 50 % të tij PD është gati ta votojë që nesër. 50 % ka nevojë për përmirësim. Mbledhja e sotme qe një diskutim i hapur dhe i dobishëm, me praninë e ambasadorëve. Synohet të realizohet një reformë e mirë në drejtësi. Sistemi i drejtësisë duhet reformuar”, u shpreh Pollo.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
