Presidenti Bujari Nishani organizoi pasditën e së dielës një ceremoni për nder të shenjtërimit të Nënë Terezës. Para të pranishmëve, Nishani deklaroi se Nënë Tereza është një model që u shndërrua në një vlerë universale.
“Çdo shoqëri mund të frymëzohej nga Nënë Tereza. Ajo është një shembull, model, histori unike dhe një sintezë shpirtërore e popullit tonë”, u shpreh Presidenti Nishani.
Duke folur për shenjtërimin e Gonxhe Bojaxhiut, Nishani tha se është një ngjarje e madhe për Shqipërinë dhe se shqiptarët marrin vendin e merituar në trashigiminë shpirtërore të botës.
“Shënjtërimi i Nënë Terezës është ngjarje e madhe për historinë tonë, për kishën dhe mbarë njerëzimin. Tashmë shqiptarët marrin vendin e merituar në trashëgiminë shpirtërore të botës”, tha Nishani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
