Vetëm një e treta e personave që kanë detyrim vetëdeklarimin në bazë të ligjit të dekriminalizimit e kanë kryer atë kur kanë mbetur më pas se dhjetë ditë nga afati i fundit të dorëzimit të tij.
Ministrja Milena Haritoe alarmuar nga ky rezultat paralajmëroi se kush shkel afatin humb vendin e punës. Ajo nuk ka komentuat hezitimin e zyrtarëve të administratës për deklaratën por mendohet se numri i zyrtarëve që mund të përjashtohen nga shërbimi publik pas vetëdeklarimit nuk është i vogël.
Kur kanë mbetur vetëm pak ditë kohë nga afakti maksimal i datës 5 maj, pjesa më e madhe e administratës publike ende nuk e ka dorëzuar formularin e dekriminalizimit. Janë rreth 7500 të vetëdeklaruarit deri më tani, ndërkohë që rreth 20.000 të tjerë nëpunës të shtetit duhet ende në vihen në rregull me ligjin. Ministrja Milena Harito, përgjegjëse për Administratën Publike dhe Inovacionin, rikujtoi edhe njëherë çfarë rrezikon injorimi i këtij afati.
Ministrja Harito njoftoi gjithashtu edhe arritjen e një marrëveshje me kompaninë Google. Pas 18 muaj negociatash, gjigandi i Internetit është bindur që të shtojë edhe Shqipërinë në listën e 76 shteteve të përfshira në shërbimin Street Vieë, që fotografon rrugët kryesore të vendit, duke i bërë ato të konsultueshme në platformat online.
Harito shpjegoi se me kompaninë amerikane po negociohet edhe në lidhje me platformën Google Ad Sense, që do të mundësonte portalet shqiptare të shfrytëzojnë tregun e reklamave botërore online. Përsa i përket ligjit për komentet në internet, ministrja shpjegoi se është rënë dakort me grupet e interesit dhe po pritet një mendim i ekspertëve të OSBE-së dhe Këshillit të Europës para se, drafti të kalojë në Qeveri e më pas në Parlament.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
