Një 47-vjeçar është ekstraduar sot nga Italia. I ekstraduari Gani Hysa akuzohet për veprën penale” “Vrasje me paramendim”. Gjykata ka caktuar për Hysën masën e sigurisë “Arrest në burg“. Lidhur me këtë akuzë, 47 vjeçari Gani Hysa rrezikon të dënohet me 25 vjet burg.
Gani Hysa u arrestua rreth 9 muaj më parë në Itali, në banesën e tij në Lodixhano ku jetonte prej vitesh. Ai akuzohet për vrasjen e Edmond Theodhorit në Sarandë. Pas ngjarjes ai dyshohet se ka hyrë në mënyrë ilegale në Itali nga Greqia.
Sipas policisë së Sarandës në datën 10 korrik, Hysa ndodhej për pushime në Sarandë së bashku me familjarët e tij. Por gjatë mbrëmjes ai u përfshi në një debat me 32-vjeçarin, Edmond Theodori, i cili kishte komplimentuar një vajzë që ishte në shoqërinë e Hysës.
Më pas Gani Hysa së ashku me miqtë e tij u përfshi në një zënkë të dhunshme që degjeneroi në vrasjen e 32-vjeçarit, i cili u gjet i ekzekutuar me një plumb në kokë, në makinën e tij. Gani Hysa shoqërohej nga pesë persona të tjerë dhe ata rezidentë në Itali. Ata e rrethuan viktimën pranë një lavazhi automjetesh dhe më pas e qëlluan me pistoletë.
Pamjet e vrasjes janë regjistruar nga kamerat e sigurisë pranë vendit të ngjarjes duke i lejuar policisë identifikimin e autorëve. Disa orë pas ngjarjes policia arriti të arrestonte, Ledi Hysën, Ylli Reçin dhe Ajman Zybën. Ndërkohë vazhdojnë të jenë në kërkim dhe Keivi Hysa dhe Eljon Hysa.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
