Një motër dhe një vëlla, me të njëjtin baba, por me mama të ndryshme, kanë njoftuar dashurinë e tyre drejtpërsëdrejti në televizion gjatë një spektakli spanjoll të quajtur “Cambiame”. Emisioni zakonisht transmeton ndryshime të imazhit të protagonistëve, por këtë herë ka treguar historinë e Anës, 27 vjeçe dhe Danit, 23, që tani jetojnë së bashku në Barcelonë, por që janë rritur të ndarë për 20 vjet, me përjashtim të ndonjë kontakti në rrjetet sociale.
Ana ka treguar: “Nuk kemi ardhur vetëm për ndryshimin e pamjes, por edhe për të ndryshuar plotësisht jetën tonë. Kemi diçka për të thënë dhe ky është një vend i mirë për ta rrëfyer. Jemi rritur të ndarë dhe 20 vjet më pas e kemi gjetur njëri-tjetrin përmes rrjeteve sociale dhe nisëm një miqësi. Më pas u dashuruam”.
Gjatë emisionit, u shfaq edhe babai, i cili bëri shaka me vajzën, duke i thënë: “Mund të të thërras nuse?”, – duke shkaktuar ilaritet në studio. Në fund të programit, stilisti i “show”-t, Pelayo Diaz, ka shkruar në “Twitter”: “Kush jemi ne për të gjykuar? Dashuria vjen para gjithçkaje”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
