Ndërkohë që një prej viktimave të bunkerit u identifikua që ishte Agim Madani, mbetet ende mister gruaja që u gjet e vdekur bashkë me të.
Eshtrat e tij, bashkë me të gruas që ndodhej me të, janë dërguar për ekzaminim në Institutin e Mjekësisë Ligjore në Tiranë, për të konfirmuar jo vetëm identitetet, por edhe shkaqet e vdekjes së tyre.
“Panorama” shkruan sot në lidhje me gruan e pajetë, mendohet se ajo mund të jetë nga Kosova, pasi në disa qytete e fshatra matanë kufirit zhvillonte aktivitet, në grabitje e plagosje Agim Madani.
Stadi i dekompozimit të trupave të dy viktimave, të cilat u gjetën nga një bari në fshatin Mejdan të Tropojës, ka treguar për policinë se bëhet fjalë për një vdekje të ndodhur prej më shumë se 6 muajsh. Ndërsa trupat janë në formë skeleti, veshjet e tyre i kanë rezistuar kohës, duke u marrë në ekzaminim nga grupi i hetimit, bashkë me materiale të tjera të gjetura në vendngjarje. Viktimat kishin siguruar dyshekë e mjete të tjera për të jetuar në kasollen e formuar në zonën e fshehtë, ndonëse vetëm 100 metra larg rrugës nacionale.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
