Shpëtim Idrizi, kreu PDIU-së, në një takim me strukturat e partisë për anëtarësimet e reja, theksoi se ka ardhur momenti për veprime konkrete për bashkimin kombëtar dhe jo thjesht foto e shtërngime duarsh mes liderve shqiptarë të rajonit.
“Në themel të programit tonë është bashkimi kombëtar. Është bashkimi kombëtar jo thjesht dhe vetëm si një detyrim kushtetues. I ftoj të gjithë ata që flasin, por nuk e dinë të lexojnë preambulën e Kushtetutës së Shqipërisë, ku ne e kemi detyrim të luftojmë për identitet kombetar, bashkim kombëtar dhe ky është një detyrim që buron natyrshëm prej nesh”, tha ai.
Idrizi bëri edhe disa propozime konkrete.
“Shqipëria është i vetmi vend në botë që rrethohet nga shqiptarët. Të heqim barrierat doganore me Kosovën. Kemi bërë një abetare të përbashkët dhe shumë mirë e kemi bërë, por ne duhet të unifikojmë arsimin. Pra ne duhet të punojmë përditë për të arritur këtë aspiratë të madhe të të gjithë shqiptarëve e cila buron nga Kushtetuta e Shqipërisë”, deklaron Idrizi.
Beteja jonë së bashku me deputeten Mesila Doda, shtoi ai, për nevojën e ndarjes njëherë e mirë nga komunizmi do të vazhdojë. Është skandaloze, tha Idrizi, që ende diktatori Enver Hoxha mban titullin Hero i Popullit.tch
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
