Gregor Rama me syze 60 mijë eurosh, studenti i papunë më i pasur në botë

“Media ka zbuluar se studenti më i pasur në vend, dhe ndoshta në rajon, është i papuni Gregor Rama, djali i kryeministrit.
Zbulimi nuk ka qenë shumë i vështirë për t’u bërë, pasi Gregu, studenti i papunë, është pjesë e arrogancës rilindëse që ka dëshirë ta tregojë luksin, edhe pse shokët e tij të klasës nuk kanë lekë të pinë një kafe, le më të paguajnë tarifat e rritura të universiteteve nga babai tij, edhe pse 46.2 për qind e familjeve shqiptare jetojnë në varfëri me 5 dollarë në ditë”, ka denoncuar sot, kreu i FRPD, Belind Këlliçi.
Duke evidentuar faktin se djali i kryeministrit është një student i papunë, kreu i të rinjve demokratë, bënë të ditur më tej se syze të tilla, 60 mijë euroshe i mbajnë oligarkët e lindjes.
“Syzet që mban djali i papunë i Edi Ramës, janë Maybach që sipas medias dhe ekspertëve kushtojnë të paktën 60 mijë euro.
Syze tipike të oligarkëve të lindjes, të qeveritarëve të korruptuar, të njohur botërisht për pasurinë e luksin që kanë vënë në kurriz të popullit.
Vlera e këtyre syzeve që mban Gregu është sa dy muaj pagë e presidentit amerikan, Obama”, shprehet këlliçi më tej.
Duke renditur disa pyetje, për implikim të familjarëve të tjerë të kryeministrit në afera të dyshimta, kreu i FRPD-së, e etiketon këtë sjellje jo vetëm morale e ligjore, por edhe si një harbutëri e rilindjes.
“Përveçse një çështje morale, që tregon harbutërinë e rilindjes, kontrastin e thellë mes Edi Ramës, njerëzve të tij, dhe popullit që nuk ka me se të ushqehet, ky është dhe një problem i mprehtë ligjor.
Djali i kryeministrit, duhet të tregojë se ku i ka marrë paratë për të pasur një palë syze 60 mijë euroshe. Të tregojë burimin e parave. Është i detyruar me ligj.
Nëse i ka dhuratë, duhet të tregojë se nga kush i ka dhuratë?
Nga hakmarrja për drejtësi?
Nga Emiliano Shullazi?
Apo nga kompania kineze që po përgatitet të marrë koncesionin e TVSH, së bashku me xhaxhanë e tij Olsin?
Këto pyetje janë shqetësim publik, dhe Gregor Edi Rama është i detyruar të japë përgjigje”, përfundon deklarata e kryetarit të Forumit Rinor, Belind Këlliçi.

Për më shumë mund të lexoni edhe …

GREGU/Djali i kryeministrit Rama, syze 60 mijë euro
/web/GREGU_Djali_i_kryeministrit_Rama_syze_60_mije_euro_17227_1.php

/DRONI.al/