Pas nxitjes apostolike “Hareja e Dashurisë” të Papa Françeskut që u konsiderua si hapja e dyerve të kishës për familje të cilësuara si në marrëdhënie jo të rregullta, Kisha Katolike në Shqipëri qartëson opinionin publik mbi këto dokument.
“Në këtë dokument Papa Françesku në stilin e tij tipik përthellon ungjillin e martesës dhe të familjes, lajmin e mirë mbi familjen dhe ofron udhëzime baritore që në vazhdimësi në magjistrin e kishës marrin një vlerë dhe një dimension të ri.
Monsinjor Xhorxh Frendo dhe Dom Gjergj Meta thonë se në dokumentin e miratuar nga Papa në kapitujt e familjes përmenden dy fjalë, shushitje dhe shqyrtim.
Ndërsa të divorcuarit që janë të rimartuar nuk duhet të ndihen të çkishëruar.
“Në asnjë mënyrë nuk mund të krahasojmë martesat mes homoseksualëve me martesën si duhet të pranohet sipas fjalës së Zotit, sipas krijimit të shenjtë. Dhe të divorcuarit mund të shërbejnë në kishë në shumë mënyra. Të divorcuarit nuk duhet të ndihen si të çkishëruar”, shprehet Monsinjor Xhorxh Frendo.
“Familja është vetëm ajo e themeluar në martesën midis një burri dhe një gruaje. Papa flet me respekt për situata të tjera familjare, psh familjet me një prind të vetëm apo familjet e divorcuara.
Kisha Katolike në Shqipëri sqaron se doktrina nuk ka ndryshuar, por Papa Françesku nuk paragjykon dhe diskriminon marrëdhëniet apo martesën mes të njëjtës gjini”, shprehet Dom Gjergj Meta.
Familja vetëm ajo e themeluar në martesën midis një burri dhe një gruaje
